NOS ACTUALITES

Notontosaina ny faha 12 aprily 2023 ny fanambaràna ampahibemaso ny fifanaraha-mpiaraha-miasa eo amin’ny Kaominina Andoharanofotsy sy ny Kaominina linden avy ao New jersey. Ny votoatin’ny fifanarahana moa dia ny hahatonga ireo Kaominina roa ireo ho Kaominina mpirahavavy.

Hisy araka izany ny fifampizana traikefa sy fifanampiana eo amin’ny roa tonta amin’ny lafiny maro toy ny fampianarana, fahasalamana, kolon-tsaina…..

Irariana ny hampiroboroboana ny fiaraha-miasa toy izao ho fampandrosoana ny eny ifotony.

Notontosaina ny faha 26 aprily 2023 ny fihaonan’ireo Tomponandraikitra tamin’ny vahoaka manerana ny Distrika Antananarivo Atsimondrano momba ny fanatontosana ny  tetikasa famatsiana herinaratra « Branchement MORA ». Tonga maro teny anivon’ireo Kaominina rehetra ato Atsimondrano ny mponina liana sy te hisitraka ny tetikasa izay marihana fa tetikasa novolavolain’ny Fanjakana ka iarahana manatanteraka amin’ny orinasa JIRAMA.

Fisoratana anarana ho an’ireo hisitraka ny tetikasa no natao ary ny Fokontany no manangona ny antotan-taratasy sy manatitra izany eny anivon’ny orinasa JIRAMA (agence JIRAMA).

Araka ny fanazavana dia telo alina ariary (Ar. 30 000) no saran’ny fampidirana ny herinaratra, ary eny anivon’ny agence JIRAMA irery ihany no andoavana izany vola izany rehefa mahazo ny taratasy maneho ny tomban’ny saram-pisitrahana ny mpahazo tombon-tsoa

Notontosaina ny faha 25 martsa 2023 ny fotokanana ireo fotodrafitrasa momba ny fampiroboroboana ny fampianarana ao amin’ny Kaominina Androhibe, Distrika Antananarivo Atsimondrano : CEG sy Lycée Manarapenitra.

Ireo fotodrafitrasa ireo no tontosa sy afaka ampiasaina dia vokatry ny fitarihana sy fiaraha-miasan’ny Kaominina Androhibe sy ny Faritra Analamanga ary ny Ministeran’ny fanabeazam-pirenena.

Fampianarana tsara kalitao no antoky ny ho avy mamirapiratra !

Nisitraka fanomezana tablier sy kit scolaire ny ankizy miisa 150 tao @EPP Tongoloina noho izy ireo nahazo 100/100 t@ vokam-panadinana CEPE taona 2020-2021 t@ anaran'ny chef Cisco Atsimondrano Nanolotra izany ny Ben'ny Tanana

Nontanterahina ny fanamboarana ny lalana mirefy 265 m izay ampahany voalohany amin'ny lalana Bidon Manga mandeha mankeny Madera Morarano lalana izay tena nampikaikaika ny olona rehefa fahavaratra satria dia tena mamotaka tanteraka. ho vita soa amantsara izy izao ary mbola hisy ny fanohizana ny ampahany faharoa izay mirefy 364 m any ho any. Marihina fa dia volan'ny kaominina madiodio no nanaovana azy io

Zava-bita 2021

AMIN'IZAO TAONA VAOVAO IZAO DIA TSY NANADINO NY NIHARAHABA SY NIRARY SOA HOAN'NY BEN'NY TANANA IREO MPIARA MIASA TETO AMIN'NY KAOMININA AMPAHITROSY KA NANOLOTRA FANOMEZANA

Tanteraka  ny fanombanana anatiny sy ny fanaovana jery todika ary tatitra ny zavabita ny taona 2021 , ary firariantsoa ho an'ny taona 2022 ho an'ny commune Ampahitrosy
Nofaranana tamin'ny fizarana vary menaka vatomamy ho an'ny mpiasa izany

Amin'izao akatoky ny fety izao dia nizara fanampiana ho an'ireo Beantitra sy sahirana manerana ny Kaominina Bemasoandro ny Ben'ny Tanana Kaominina Bemasoandro Andriamatoa RABEFAKATRO Alphonse sy ny mpiara miasa aminy ary ireo Mpanolontsaina Tanana, ny 28 Desambra 2021, izany no natao dia ho fitsinjovana sy ho fanampiana ireo sahirana ary ireo beantitra, noho izany naneho fisaorana mitafotafo ny vahoaka Kaominina Bemasoandro satria izay nataonareo tamin'ireny madinika ireny no efa nataonareo tamiko ihany koa hoy ny Tompo.

Ho fanatanterahana ny tatitra izay tsy maintsy ataon'ny  Ben'ny Tanana ho an'ny vahoaka amin'ireo izay nanaovany ny asa nandritra ny taona sy ireo fandaniana isan-tsokajiny.

dia notanterahina ny alahady 12 desambra lasa teo ny fivorian'ny fokonolona tao amin'ny fokontany Antanetisoa sy Antsahasoa teto amin'ny Kaominina Ankaraobato.

Comme le Maire est redevable envers sa population, nous avons organisé une reunion le dimanche 12 decembre 2021 afin de rapporter aux populations la réalisation durant l'année et aussi c'est une occasion pour le Maire de discuter avec la population pour savoir leurs besoins et leurs priorités.

Nohon’ny fangatahan’ny vahoakan’Ampasika Avaratra Fokontany Anosimasina sy ny fanantanterahana ny fampanan-tenana nataon’ny Andriamatoa Ben’ny Tanana Kaominina Bemasoandro dia nitarina nasina rihana ny sekoly, EPP Ampasika Avaratra, izany dia nanomboka ny volana Septembre 2021 lasa teo, raha jerena ny fandrosoan’ny asa dia afaka andro vitsy dia ho tafona izany.

trano iray efa niorina 30 taona mahery ity EPP ifarihy ity ary azo lazaina ho isan'ireo fotodrafitr'asa niorina voalohany ihany koa teto ifarihy. nitondrana fanavaozana izany ary nohatsaraina tanteraka ny trano. fiarahana miasa hatrany amin'ny mpiara-miombona antoka no nahavitana izao asa. efitra telo ity EPP ity. anisan'ny ezaka nimasoan'ny kaominina ny fanatsarana ireo fotodrafitr'asa rehetra indrindra fa ny fampianarana

l'EPP ifarihy est un batiment plus agé dans la Commune d'Ankaraobato, vu son Etat actuel la Commune a decidé de le réhabiliter avec la cooperation de notre partenaire.